பிரதான பொறுப்புக்களும் பணிகளும் (முழுமையான விபரம்):

• கல்வித் துறைசார் அபிவிருத்தி அணுகுமுறைக் கட்டமைப்பு மற்றும் திட்டங்களுக்கு அமைவாக வலயத்தின் ஒட்டுமொத்த வருடாந்த, இடைக்கால மற்றும் ஐந்தாண்டுத் திட்டங்களைத் தயாரித்தல், முன்னேற்ற ஆய்வு மற்றும் ஒழுங்குபடுத்தல் பணிகளை மேற்கொள்ளல்.

• வலயத்திற்குட்பட்ட அனைத்துக் கல்வி நிறுவனங்களினதும் வருடாந்த, இடைக்கால மற்றும் ஐந்தாண்டுத் திட்டங்களைத் தயாரித்தல், திட்டமிடல், நடைமுறைப்படுத்தல், ஒழுங்குபடுத்தல் மற்றும் முன்னேற்றங்களை ஆய்வு செய்தல்.

• பாடசாலைகளின் வருடாந்த மதிப்பீடுகளை (Estimates) அங்கீகரித்தல்.

• வலயக் கட்டமைப்புச் செயற்பாடுகள் தொடர்பான முன்மொழிவுகளையும் பரிந்துரைகளையும் சமர்ப்பித்தல்.

• வலயத்திற்குட்பட்ட அனைத்துக் கல்வி நிறுவனங்களினதும் பௌதீக மற்றும் மனித வளத் தேவைகளை இனங்காணல், கணக்கிடல் மற்றும் அத்தேவைகளை நிவர்த்தி செய்வது தொடர்பான நடவடிக்கைகளை எடுத்தல்.

• கல்வி நிர்வாகத் தகவல் முறைமைக்குரிய (EMIS) தரவுகள் மற்றும் தகவல்களைச் சேகரித்தல், யாவற்காலப்படுத்துதல் (Update), ஒழுங்கமைத்தல், பகுப்பாய்வு செய்தல் மற்றும் பகிர்ந்தளித்தல்.

• வருடாந்த பாடசாலைக் குடிமதிப்பு (School Census) நடவடிக்கைகளை ஒருங்கிணைத்தல் தொடர்பான ஒழுங்குபடுத்தல் மற்றும் முன்னேற்றங்களை அறிக்கைப்படுத்தல்.

• பாடசாலைகளை மேம்படுத்தும் (School Improvement) வேலைத்திட்டத்திற்குரிய செயற்பாடுகளை ஒருங்கிணைத்தல்.

• பாடசாலைகளுக்கு வழங்கப்பட்டுள்ள தர உள்ளீடுகள் (Quality Inputs) மற்றும் ஏனைய கொடுப்பனவுகளைப் பயன்படுத்துவதற்கான வழிகாட்டல்களை வழங்குதல்.

• கல்விசார் ஆராய்ச்சிப் பணிகளை ஒருங்கிணைத்தல் மற்றும் அதன் கண்டுபிடிப்புகளைக் கொண்டு திட்ட முன்மொழிவுகளைத் தயாரித்தல்.

• நீர், மின்சாரம், சுகாதாரம் உள்ளிட்ட பாடசாலைகளின் பௌதீகத் தேவைகளைப் பூர்த்தி செய்தல்.

• கல்வி அபிவிருத்திச் செயன்முறைக்காக அரச மற்றும் அரச சார்பற்ற நிறுவனங்களின் பங்களிப்பைப் பெற்றுக்கொள்ளல், வெளிநாட்டு உதவித் திட்டங்களைத் திட்டமிடல், ஒருங்கிணைத்தல், ஒழுங்குபடுத்தல், முன்னேற்ற ஆய்வு மற்றும் தொடர் நடவடிக்கைகளை (Follow-up) மேற்கொள்ளல்.

• மாவட்ட மற்றும் பிரதேச அபிவிருத்திக் குழுக்களுக்குத் தேவையான அறிக்கைகளைத் தயாரித்தலும் வழங்குதலும்.

• கட்டுமானங்கள் மற்றும் திருத்த வேலைகள் தொடர்பாக உரிய தரப்பினருடன் ஒருங்கிணைப்புப் பணிகளை மேற்கொள்ளல்.

• தொடர்புடைய வெளிநாட்டு உதவித் திட்டங்களை வழிநடத்துதலும் மேற்பார்வை செய்தலும்.

• அதிபர்களின் திறன் அபிவிருத்திக்கான நடவடிக்கைகளை முன்னெடுத்தல்.

• திட்டமிடல் பிரிவுக்குரிய செயற்பாடுகளை உள்வாரி மதிப்பீட்டிற்கு உட்படுத்துதல்.

• சந்தர்ப்பத்திற்கு ஏற்ப வலயக் கல்விப் பணிப்பாளரால் ஒதுக்கப்படும் ஏனைய கடமைகளை நிறைவேற்றுதல்.